Hjálpræðisherinn á Akureyri
Hjálpræðisherinn á Akureyri hefur flutt í nýtt húsnæði að Hrísalundi 1 a. Dagskrá er alla virka daga, auk þess er samkoma á sunnudögum. Allir eru hjartanlega velkomnir.
Hjálpræðisherinn á Akureyri var stofnaður árið 1904 og starfsemin er að Hrísalundi 1a.
Miklar endurbætur hafa á síðustu mánuðum verið gerðar á húsnæðinu svo það henti starfsemi Hjálpræðishersins betur. Sem dæmi má nefna lyftu til að bæta aðgengi fyrir hreyfihamlaða.
Hægt er að hafa samband við Elínu Kjaran, flokksforingja í Akureyrarflokki í gegnum síma, 780 6888.
Flokksforingi er Sigríður Elín Kjaran, Herdís Helgadóttir er starfsmaður í flokknum og Lára Ósk Hlynsdóttir sér um æskulýðsstarf flokksins.
Í Hjálpræðishernum á Akureyri er rík hefð fyrir barna- og unglingastarfi og heimilasambandið á sér einnig langa sögu. Nýjustu viðbæturnar við dagskrá flokksins eru opið hús fyrir fjölskyldur og prjónahópur. Samkomur eru á sunnudögum kl. 11 og í hádeginu á miðvikudögum eru bænastundir. Árið 2022 verður farið af stað með fleiri dagskrárliði, til dæmis verða foreldramorgnar einu sinni í viku og bænastundum í hádeginu verður fjölgað.
Hjálpræðisherinn á Akureyri er á Facebook og á Instagram undir notandanafninu herinnak.
Dagskrá Akureyrarflokks má nálgast hér.